Gestalistamenn Dansverkstæðis-ins njóta vinnuaðstöðu og faglegs stuðnings við rannsóknar- og sköpunarvinnu sína. Þannig styður Dansverkstæðið við frumsköpun danslistafólks sem býr og starfar á Íslandi og styrkir þann kjarna sem byggir upp danssamfélagið hér á landi.

​

Danslistafólk á aldrinum 20-35 ára á kost á sumarvinnustofu í júlí ár hvert. Vinnustofudvölinni fylgir verkefnisstyrkur og fagleg endurgjöf í sköpunarferlinu. Dvölinni á Dansverkstæðinu lýkur með sýningu á afrakstri sumarsins.

​

​

​

Árlega er valinn danslistamaður eða -hópur til að vinna að dansverki fyrir börn. Vinnustofu-dvölinni fylgir verkefnisstyrkur. Verkefnið er í samstarfi við ASSITEJ sem veitir listræna ráðgjöf í sköpunarferlinu. Það verk sem verður til í vinnustofunni er sýnt á sviðslistahátíð ASSITEJ, Unga.

Listamenn með verkefni sem ekki krefjast hefðbundinna æfingarýma geta sótt um verkefnið Stúdíó 3. Þá fær listamaður aðstöðu í minnsta sal Dansverkstæðisins, sal 3 og faglegt samtal. Verkefnin geta verið af ýmsum toga en samtal við danssamfélagið er kostur.​

Dansárið á Dansverkstæðinu er heildstætt sýningarverkefni sem miðar að því að festa í sessi reglubundið, faglegt og aðgengilegt sýningarhald fyrir danslist á Íslandi. Áætlað er að sýna 3 - 4 dansverk á önn yfir vetrartímann.

​

Dansverkstæðið skipuleggur barna- og fjölskyldudagskrá á Dansverkstæðinu. Markmiðið  er að auka aðgengi barna og fjölskyldna að danstengdum viðburðum og styðja við og veita listafólki vettvang og tækifæri til þess að þróa verkefni fyrir börn og ungmenni.

Vettvangur fyrir danslistafólk til að deila hugmyndum og verkum í vinnslu á sviði. Eftir sýningu er rými fyrir umræður og endurgjöf. Fyrst og fremst er þetta tækifæri til að fagna sköpunargleðinni og dansinum. Choreographic Happy Hour er að jafnaði einu sinni á önn.​

​

Samstarfsverkefni Dansverkstæðisins og Reykjavik Dance Festival vinna saman að verkefninu Danshúsið, með það markmið að efla og samnýta innviði, þekkingu og fjármagn á sem hagkvæmastan hátt svo hægt sé að styðja enn betur við hina framúrskarandi fagsenu dansins á Íslandi.

Dansdagar er samstarfsverkefni Dansverkstæðisins og Íslenska dansflokksins. Markmiðið er að bjóða upp á spennandi námskeið og samveru fagfólks í dansi.

​

​

​

​​​​

​

Alþjóðlegi dansdagurinn er 29. apríl. Dansverkstæðið, Íslenski dansflokkurinn og Félag íslenskra listdansara sameina krafta sína til að halda upp á daginn.

​

​

​

​

​

24/7 er samsköpunarsmiðja danslistafólks og listafólks í öðrum greinum. Í 24/7 eru mynduð pör: danshöfundur/dansari og annars konar listamaður. Hvert par fær eina viku til að kynnast, prófa sig áfram og skapa eitthvað frá grunni. Markmið verkefnisins er að skapa ný tengsl og opna fyrir nýjar leiðir í samstarfi og sköpun.

Markmið Dansnets Íslands er að tengja listafólk, menningar-stofnanir og samfélög með sýningum og námskeiðum um land allt og skapa ný tækifæri til þátttöku, atvinnu og menningar-legrar uppbyggingar. Verkefnið er á þróunarstigi.

​

​

Dansverkstæðið er samstarfsaðili Sviðslistamiðstöðvar, Reykjavík Dance Festival, Íslenska dansflokksins og Íslandsstofu í þessu verkefni, sem hefur það markmið að efla alþjóðlegan sýnileika og dreifingu íslenskra dansverka. Viðburðurinn fer fram innan ramma Reykjavík Dance Festival 11.–15. nóvember 2026.